ومرت الأيام ورغم مواظبتى على الدوا بس رجعلى تانى الشبطان ده بقى يظهرلى حتى وانا مع فريدة مجرد ما بتختفى من قدامى بشوفه فى كل مكان
وروحنا لبيته كان فى منطقة شعبية ومن غير الدخول فى تفاصيل كان بيت عادى وناس كتير منتظره وست بتاخد مننا فلوس وقالتلنا لو محصلش العلاج هتاخدوا الفلوس تانى ، ودخلنا للشيخ إدريس راجل كبير فى السن شبه الموميا قدامه بخور كتير حكيتله عن كل حاجة وبعد ما خلصت قالى ده يا بنتى عمل سفلى واللى متسلط عليكى من أقوى انواع الحن وصرفه صعب جداً وهدفه انه يذمرك يا بنتى
طب مين اللى عمل كده انا عمرى ما اذيت حد فى حياتى!!
فجأه مسك ورق وقعد يقرا كلام مش مفهوم وحىرقه وبقى يرمى عليه مواد غريبة بعد كده بصلّى وقالى انتى ليكى اخت واحدة بس صح؟
– قولتله اه ليه مالها؟
– مفيش يا بنتى ممكن تبقى لوحدك معايا؟ هانى بصله وقاله بعصبية يعنى ايه تبقى لوحدها انا مش هقوم ، فريدة قالتله ماتخافش يا هانى مش هيتأخر وانا قولتله ماتقلقش عليا يا هانى انا هبقى كويسه
قام هانى وفريدة خرجوا بره استنونى ، بعد كده لقيت (إدريس) بيقولى بصى يا بنتى انا مش عارف اقولك ايه بس واضح انك مرتاحة وفى ناس طمعانة فيكى وللأسف اقرب الناس ليكى
– عاوز تقول ايه يا عم الشيخ وضح؟
– اختك دى على اد حالها يا بنتى وكان رافضة جوازك صح؟
– بكل ذهول واستغراب: صح
– على حسب ماظاهرلى يا بنتى ان العمل اللى اتعملك من اقرب حد ليكى عشان فلوسك
– انت كداب مستحيل اختى تعمل كده ، صوتى بقى عالى لقيت هانى وفريدة دخلوا عليا وهانى وعينه كلها شرار بيقولى: عملك ايه الراجل ده قولى؟
– مفيش يا هانى لازم نخرج من هنا انا غلطانة ان جيت معاكم
– هانى مسك فى الراجل وقاله انت عملت ايه ليها انطق قبل ما اخنقك؟ ساعتها إدريس حكاله كل حاجة ، سابه وأخدنى انا وفريدة وروحنا البيت وبدأ يتكلم ويقولى كلام الشيخ (إدريس) للأسف مقنع
– بصتله بذهول وقولتله: انت بتقول ايه يا هانى مش معنى انك بتكره اختى انك تتهــ,مها الاتهام الخطير ده اختى عمرها ما تئذينى
– نيفين تقدرى تقوليلى ليه اختك رفضت جوازنا؟ مع انها عارفة انك وحيدة اقولك انا ليه؟ عشان فلوسك وانتى عارفة ان اختك على أد حالها اختك شايفة ان متجوزك طمع وشايفة انها اولى بفلوسك ، بصى يا نيفين انا مستعد اطىلقك لو دى فيها راحة لأختك وممكن تسلمى المصنع من بكره
– انت بتقول ايه يا هانى انا لا يمكمن اسيبك بس انا مش قادره اتخيل ان اختى تئذينى
– تقدرى تقوليلي ليه اختك قطعت فجأه وليه بعد مازارتك آخر مره بقى يحصلك كل ده وحالتك اتدهىورت
ببص لفريدة عشان تقولى أى حاجة بتسكت ، ويعيد هانى سؤاله تانى: ليه يا نيفين اختك مش بتزورك خالص وليه بنتها بس اللى بتتابعك… يتبع
الجزء الثالث والأخير من هنااااااا
قصتي انا (نيفين) الجزء الثالث والاخير
لا يا هانى (دينا) دى بنتى عمرها ماتعمل كده وممكن بقى نقفل عن الموضوع ده ولو سمحتم انا عاوزة ابقى لوحدى.
فريدة اخدت هانى على جنب وقالتله ماتزعلش منها الصذمة كانت كبيرة عليها واخدت بعضها ونزلت وهانى نزل يوصلها وانا دخلت اوضتى وفضلت اعيط مش مصدقة اللى حصلى معقولة يا نجوى تعملى فيا كده انا عمرى ما اذيتك! وفى عز ما انا بعيط لقيت (دينا) بتتصل بيا بقيت مش عارفة ارد ولا لأ وقررت ما اردش خالص ،
كنت اتمنى امىوت وما ابقاش فى الموقف ده فضلت اعيط وانا لوحدى سمعت صوت الباب وكإن حد داخل قولت تعالى يا هانى ادخل وسمعت صوت انا عارفاه كويس صوت الكلب اللى بيطاردنى دايماً فضلت قاعده مكانى وهو بيقرب وبقيت حاسه بمخالبه على ضهرى وانا جسمى بيترعىش وانفاسه بتقرب منى .
وانا بتمنى امىوت عشان ارتاح من العذاب ده مخالبه بتغرز اكتر فى ضهرى وانفاسه بتزيد ورايا وخلاص عرفت ان همىوت ونطقت الشهادة عشان الاقى (هانى) داخل عليا وقعد جنبى بيواسينى ماحستش بنفسى غير وانا بروح فى النىوم وحلمت بنفس الحلم حلمت انى فى المقابر والكلب بيحفر كالعاده قربت منه وهو شغال حفر بصيت حواليا حسيت ان المكان ده مألوف بالنسبالى مع انى عمرى ماروحته
وصحيت من النىوم ومر اليوم زى اللى بعده والخيالات مش بتروح وهانى نزل المصنع وانا فضلت لوحدى والجرس رن عشان اتفاجئ بدينا بنت اختى وهى بتحىضنى وبتتأسفلى دخلت وقعدنا مع بعض رغم حزنتى بس فرحت أوى بدينا ده مهما كان بنتى ، قالتلى انتى لازم تغيرى جو شوية شكلك مش عاجبنى خالص ايه رأيك نخرج بكره نغير جو ؟
– قولتلها طب والجامعه؟ قالتلى تتحىرق الجامعه المهم انتى يا قمر
قولتلها حاضر انا عاوز اغير جو فعلاً وكملنا القعده لغاية ما مشيت وقولت لهانى بس وافق رغم الضيق اللى ظهر عليه بس عشان عارف حالتى ، اتصلت بدينا وخرجنا وفهمت هانى ان هتأخر شوية وخرجنا وطول الوقت سرحانة ومش قادره ان اختى تعمل فيا كده ومش قادره اكلم دينا فى الموضوع ده لإن اكيد مش هتصدق وكمان عشان ماتتصذمش وفى وسط اليوم
حسيت بتعب وطلبت من (دينا) تروحنى وقولتلها انا بقيت احسن انا هطلع البيت وكلها شوية وهانى راجع وطلعت وفتحت الشىقة وسمعت حركة وصوت بيتكلم كان صوت هانى ولسه هتكلم بس سكت لما سمعته بيقول: انا خلاص زهقت من سى زفت بتاعك ده كل شوية عاوز فلوس من ساعة آخر مره روحناله وهى مش بيشبع فلوس وهى ولا بيحصلها حاجة وشكلنا هنمىوت قبلها انا بعد بكره هروحله ودى آخر مره هياخد فيها مليم انتى فاهمه؟
وقفل بعد كده وهو خارج من الاوضة انا قفلت باب الشــ,ىقة وأول ما شافنى وشه اتغير وقالى انتى جيتى امتى؟ قولتله انا لسه داخلة حالا ً بس ايه المفاجأه انت جيت بدرى النهارده خير؟
– لا ابداً انا كنت جاى اخد حاجة وراجع بس خلاص طالما جيتى انا هقعد معاكى ، ها انبسطتى النهادره؟
– الحمد لله (دينا) خرجتنى خروجة حلوة كنت محتاجاها من بدرى ربنا ما يحرمنى منها
– اااااه طيب ، طب انا هدخل اخد دش ونخرج نتعشى بره ايه رأيك؟
– اللى تشوفه يا حبيبى ، وأول ما دخل الحمام مسكت موبايله ولقيت آخر رقم اتصل بيه كان (فريدة)! استغربت من كلامه معاها ومين ده اللى بيدفعوله فلوس ، انا قلقت ومابقتش مطمنه ، عدى الليله وجى اليوم اللى هيخرج فيه وقررت اراقبه من باب الفضول بس مع فهمته ان (دينا) هتقعد معايا شوية عشان يطمن ، ولما نزل فضلت وراه لغاية ما وصل لبيت قديم انا شوفته قبل كده نفس بيت الدجال (إدريس) !
استغربت وقولت ايه اللى جابه هنا المفروض انه مايعرفوش غير عن طريق فريدة لما زورناه وليه بيدفعله فلوس ده كمان بيبتزه وده اللى فهمته من كلامه مع فريدة فى التليفون فضلت منتظره من بعيد لغاية ما خرج وكمان معاه فريدة!! ايه اللى جاب فريدة هنا وبيعملوا ايه عند الراجل ده ولما مشيوا خالص قررت اروح لإدريس ده تانى يوم اكيد وراه لغز كبير ، وفعلاً جهزت فلوس كتير وقررت اروحله ودخلت البيت واديت الست اللى على الباب فلوس عشان ادخله بسرعه وأول ما دخلت وشه اتغير واستغرب لما شافنى
– قولتله انا عاوزه اعرف ايه القصة بالظبط؟ جوزى كان عندك بيعمل ايه امبارح؟
– قالى مفيش كان بيدينى حسابى من آخر مره جيتى فيها
– قولتله بص جوزى مش هيديك فلوس تانى بس انا ممكن اديك اللى انت عاوزه بس تقولى الحقيقة انا سمعته بنفسى وهو بيقول لصاحبتى فى التليفون انه مش هيديك فلوس تانى لو عملت ايه
– إدريس: نعم !! ده اتفاق بيننا ، وكان عليه غضب ربنا وأول ما لاحظت ده طلعت فلوس من شنطتى وقولتله قولى كل حاجة وهديك اللى انت عاوزه بس تصارحنى
– وشه اتغير وقالى خلاص محدش هيقدر ينقذك الحن اللى اتسلط عليكى من أقذر وأشرس انواع الحن ومهمته انك تمىوتى او تجننى وبكده هما ياخدوا كل حاجة
– مين دول يا شيخ إدريس قولى بالله عليك انا عاوزة اعرف الحقيقة
– بصى جوزك وصاحبتك اتفقوا معايا ان اسلط عليكى مارد يقضى عليكى عشان ياخد كل حاجة ويورثك وده كله هيحصل بعمل سفلى وجوزك جابلى قطر منك وفعلاً عملت العمل ده بس مستحيل يتفك لإن الحن العاشىق مش بيسيب حد بسهولة إلا وهو حثة ولو عيشتى هتبقى مجنونة وبالتالى كل فلوسك هتبقى من حق جوزك
– قولتله وانا هتجنن طب واختى؟
– اختك ماعملتش حاجة انا قولت كده بالاتفاق معاهم عشان تفقدى الثقة فيها هى وبنتها عشان تفضلى لوحدك
– اديته فلوس كمان وخرجت وانا مش قادرة اصدق اللى سمعته معقولة هانى يعمل فيا كده وفريدة صديقة عمرى عاوزة تمىوتنى انا عملتلهم ايه بس!
فضلت اتمشى لوحدى مش عارفة اعمل ايه اتمنيت امىوت وقتها بقيت مش عارفة اعمل ايه تمالكت نفسى وقررت ان اعمل الصح حتى لو همىوت او اتجنن وفى خلال أيام عملت اللى المفروض يتعمل وكتبت الجواب ده وبعته لدينا بنت اختى
كتبت كل اللى حصل معايا انا عارفة ان كده كده همىو,ت سواء من العمل السفلى او حد هيفتلنى واكيد مش هروح ابلغ عنهم واقولهم دول مسلطين عليا حن انا عارفة انهم مش هيسيبونى وعارفة ان الشبطان ده مش هيسيبنى هو كل يوم معايا وحالتى بتسوق يوم بعد يوم انا اتفقت مع المحامى بتاعى انه يكتب كل حاجة بإسم بنتى (دينا) عشان لما امىوت او اتجنن زى ما بيتمنى الكلاب دول يعرفوا الحقيقة فلوسى كلها بقت ملك دينا ومفيش حد منهم هيطول مليم منى
اتمنى تدعولى ربنا يرحمني من العذاب اللى انا فيه واقابله بأسرع وقت لإن تعبت من الدنيا دى ، انا معرفش ايه مصيرى بس عارفه ان أيامى معدودة اشوف وشكم بخير… تمت
