بائع الوهم قصة واقعية

صاحبة القصة بتقول أنا في مشــ,كلة مش لاقيالها حل والمصــ,ېبة أن الوقت بيعدي ولازم اتصرف بسرعة مشكلتي بدأت بعد الجواز عدت سنة وإتنين من غير حمل أحنا مؤمنين طبعا بقضاء ربنا وقدره لكن التحاليل والفحوصات أكدت أن أنا وجوزي مفيش حد فينا فيه أي عيب أو خلل يمنع حدوث الحمل لفينا وتعبنا كتير وصرفنا فلوس أكتر وبرضو مفيش فايدة كنت بټعذب لما الاقي جوزي سرحان بالساعتين والتلاتة حتى ساعات وهوا بياكل كان بيسرح لدرجة أني لما أكلمه مكانش

بيسمعني أو بياخد باله حتى وللأسف الشيطان لعب في

دماغي وخفت أحسن والدته أو حد من اخواته يقنعه يتجوز عليا لأن في قريتنا أكتر حاجه بېخاف منها الراجل هيا إنقطاع نسله ومش في قريتنا بس أعتقد أن الرجالة كلهم بيخافوا من الحته دي ..

وفي يوم مشؤوم كنت بدردش مع جارتي واحنا ع السطوح وقالتلي وسط الكلام انها سمعت عن شيخة مبروكة في القرية اللي جمبنا بتعالج الناس وان كل اللي راح عندها شكر فيها وبعد دقيقتين أو تلاتة من التفكير وافقت لأن بصراحة معنديش حل غيره واهو أجرب لعل وعسى الشفا يكون

علي ايديها اتفقت مع جارتي نروح سوا وهيا ممانعتش بس مقولتش لجوزي علي اللي هعمله لأنه متدين وطبيعي كان هيرفض حاجه زي دي ..

وفي اليوم الموعود قلت لجوزي اني هزور والدتي لأني مشوفتهاش من فترة واحتمال أقضي باقي اليوم معاها وأني حضرتله الغدا مفيش بس غير انه يطلعه من التلاجه ويسخنه ..

لما وصلنا لبيت الشيخة دي مكانش زحمة زي ما كنت متوقعه يمكن لأنها لسه جديدة في القرية أو عشان أحنا اللي جينا بدري الست كانت منقبة والغريبه انها مرفعتش النقاب من عليها طول القعدة وكلامها كان قليل جدا المهم حكيت لها

مشكلتي ولما خلصت كلامي لقيتها سكتت وقعدت فترة طويلة علي الحال دا وهيا بتقول كلام بصوت واطي مش فاهماه كأنها بتكلم حد رابع معانا في الأوضة وفي الاخر قالتلي أنا عرضت مشــ,كلتك عليهم يوم الجمعة الجاي تيجي لوحدك وشرط تكوني لابسه قميص نوم تحت العبايه وحاطه برفان خفيف قائد العشيرة بنفسه هيساعدك وهتاخدي بركته ..

بصراحة كلام الشيخة مكانش مقنع يعني ايه اجيلها تاني يوم واكون لابسه قمــ,يص نوم وحاطه برفان وهتحل عليا بركة سيد العشيرة الكلام دا ملوش غير تفسير واحد ..

المهم شكرتها واديتها اللي فيه النصيب ومشينا ..

طول الطريق عماله اراجع الموضوع في دماغي لحد ما تعبت وزهقت سألت جارتي عن رأيها في الكلام اللي اتقال .. ساعتها جاوبت عليا بنظرة لخصت فيها كلام كتير ممكن تقوله وكان معناها ما باليد حيلة

الغاية تبرر الوسيلة

الجملة اللي فضلت ملازماني طول النهار والليل ومش راضيه تفارق عقلي أبدا يا ترى كانت من الشيطان او من نفسي الله أعلم ومن غير أي مقدمات لقيت نفسي بقول لجوزي واحنا بنتعشى أني هزور أمي بكره عشان أطمن عليها لأني لما زرتها النهاردا كانت تعبانه وهو عارف طبيعة أمي أنها لما بتتعب

أو يحصلها حاجه مش بتحب تقلق حد عليها عشان كدا ممانعش ..

في اليوم التاني خرجت لوحدي ورحت لبيت الشيخة

وطبعا وانا مطبقة كافة الشروط والأحكام زي ما بيقولوا استقبلتني وبدون أي مقدمات خدتني لأوضه ضلمه جدا وقالتلي أن هو دا المكان المخصص لعالج الحالات اللي تشبه حالتي وقالتلي كمان أن الأوضة مفيهاش أي وسيلة من وسائل الإضاءة لا نور ولا شبابيك حتى ..

طبعا أعصابي بدأت تتوتر وحسيبت بر,,عشة خفيفة في رجلي وبدأ الخۏف يسيطر عليا بالكامل وانا بحاول علي قد ما أقدر أتمالك أعصابي لكن من غير فايده وقبل ما تدخلني الأوضة وتقفل الباب قالتلي جملة ماقدرش أنساها

أرخي أعصابك ع الاخر ومتعارضيش أي حاجه هتحصل عشان ميزعلش منك

الجملة كانت كفيلة بأنها تدمر كل حصون القوة والثبات جوايا وفضلت ماشيه في الضلمة مش عارفه رجليا مودياني لفين لغايه ما خبطت في حاجه بعد ما اتحسستها عرفت انه الســ,رير ..

أترميت عليه وأنا في قمة الإرهاق الذهني وعقلي بقى يراجع كل اللي حصل من يوم ما جارتي كلمتني عن الشيخة لحد اللحظة اللي أنا فيها دلوقتي

وانا في وسط تفكيري سمعت صوت غريب في الأوضة زي ما يكون حد بيمشي أو بيزحف علي الأرض أو متعلق في السقف حتى المهم اني حسيت اني مش لوحدي وبدأت ضربات قلبي تزداد سرعة وحسيت بتنميل وخدر في جسمي واتمسمرت مكاني مش عارفة أعمل ايه ..

في كل مرة كنت اروح بيت الشيخة دي كنت ألاقي حجة مقنعة لجوزي يسمحلي بيها إني أخرج أقضي ساعتين أو أكتر بره البيت ..

فات علي الموضوع دا شهرين ونص تقريبا وكنت انقطعت طبعا عن زيارة الشيخة علي حسب تعاليمها وبدأت تظهر عليا أعراض الحمل واللي أكدته الدكتورة بعد أول كشف مباشرة ..

طبعا جوزي والعيلة كانوا طايرين من الفرحه وأنا كمان بصراحه كنت من ضمنهم لكن اللي قتل فرحتي هو الخبر اللي قريته بعدها ..

جوزي كان متعود يشتري جريدة اسبوعية خاصة بالمركز التابعة ليه قريتنا الجريدة كانت بتناقش مشاكل الفلاحين والري والصرف الصحي وغيرهم والطامة الكبرى كانت في المقال اللي عيني جات عليه وانا بقلب بالصدفة

الشيخ حسن بائع الوهم

طلع انه راجل مش ست وانه نصاب ودجال

ومعندوش أي علم بالروحانيات أو يعرف ربنا حتى

واللي كشفه كان راجل لقي حجاب متخيط في هدومه

ولما ضغط علي مراته وهددها بالطلاق عرف انها جابته من شيخة ودلته علي بيتها وراح بعد ما اتملكه الڠضب وهناك

اكتشف انها راجل مش ست ..

ومن ساعتها وانا عايشه في عڈاب ومش عارفه اتصرف ازاي

لو حكيت لجوزي اكيد هيموتني

مش هيكتفي أنه يطلقني وبس

انا غبية ازاي اعمل في نفسي كدا

احكي لجارتي

بس خاېفه تكشف سري

وساعتها هروح في داهية

وتبقي سيرتي على كل لسان في البلد

طب اموت نفسي واخلص

بس اموت كافرة

اعالج ذنب بذنب اكبر منه

صعبان عليا نفسي

وجوزي الطيب الفرحان بحملي

وهو مش عارف اللي فيها

دا لو عرف مش بعيد يطب ساكت

فضلت ادعي ربنا ليل ونهار

إنه يخرجني من المحڼة دي

وأنه يسترني وانا هتوب

وهرجع واستغفر

وهرضى بحكمه وحكمته حتى لو مش هخلف طول عمري

بس يسامحني ويغفرلي ذنبي

ويتوب عليا

واخلص من الورطة دي

عدت ايام طويله وانا لا عارفه اكل ولا انام..وجوزي كان متخيل دا من تأثير الحمل

وانا بين نارين

ڼار اني اسكت واخبي عنه

ومكسرش فرحته

وڼار الذنب الي عملته

والمصية اللي انا فيها

فات اسبوعين

ولما روحت اكشف

الدكتور قال إنه النبض ضعيف

والحمل بنسبة كبيرة مش هيكمل

ساعتها بس ردت فيا الروح

وحمدت ربنا

وطبعا جوزي أنصدم

وبعد كدا نزل الحمل

ونزل الحمل من على كتفي

وسجدت سجدة شكر لربنا

ودعيت أنه يغفر لي ذنبي

ويسامحني على اللي عملته في حق نفسي وحق جوزي

ويعوضني خير بالذرية الصالحة

تمت…