للكبااار فقط : انا متجوزه من كام شهر .. جواز صالونات .. زوجي طبيب اسنان .. عدت فتره الخطوبه عادي كان بيحاول يتعرف عليا .. لكن انا كنت رفضاه وبصد معاه في الكلام مكنتش بديلو فرصه لاي حاجه ..
جابلي هدايا كتير غير المواسم والفلوس .. امي اجبرتني عليه دا طيب ومش هتلاقي زيه وبحكم ان والدي متوقي فكان لازم اتجوز .. جريت الايام وجه يوم الفرح وكنت همىوت نفسي من القىهر .. هو مفهوش عىيب .. طوله معتدل شعره ناعم لبىسه كلاسيكي هادي دايما .. لكن مكنتش عايزاه .. جينا لبله الدحله اول دا دحل عليا الاوضه قولتو انا مش عايزاك تلمىسني ولا تقرب مني خالص ..
قالي ليه .. قولتو كدا انا مش جاهزه لسا .. قالي ماشي الي يريحك تعالي ناكل طيب .. قولتو مليش نفس .. قالي انتي مكلتيش من الصبح .. سكت .. سكت هو كمان وخرج برا الاو..ضه ورجع في ايديه صنيه عليها اكل .. وخد مخده وكف.رته وطلع برا .. وقالي دا مفتاح الباب خلصي اكل وغيري وفي حمام في الاو.ضه واقفلي على نفسك بالمفتاح عشان متبقيش خايفه وانا هنام في او..ضه الاطفال ..
حسيت اني اطمنت واستريحت لما قال كدا .. قفلت على نفسي .. ونزلت على الاكل خلصته كله .. لاني كنت جعانه فعلا .. وعدت الليله .. وبعد كدا كل يوم نفس النظام .. والاكل كان بيطلب من برا عشان انا مبطبخش .. ويسبلي الاكل بتاعي وياكل هو لوحده ..
لحد ما في يوم قالي تعالي عايز اتكلم معاكي قولت ربنا يستر اكيد عشان موضوع لبله الدحله وانه راجل زي بقيت الرجاله وكدا .. قالي وعينه كانت بتلمع ساعتها كانه هيبكي مثلا بس متماسك جدا .. قالي شوفي لو انتي مش عايزاني ولا مرتاحه في البيت واهلك اجبر.وكي فعلا على الجوازه دي انا عندي حل .. فضلت ساكته قالي اقول ولا لا ..قولتو قول ..
قالي مفيش حاجه هتخليكي تتطىلقي مني في الوقت دا الا انك تقولي لاهلك واهلي اني مبعىىرفش .. ضحكت ضحكه خفيفه وقولتو مبتعىىرفش ايه .. ضحك هو كمان وقالي مبعرفش اجيب عيال .. وانتي لسا بنت بنوت .. وانا ملم.ست.كيش .. قالي هيطلع عليا سىمعه وكلام الناس واصحابي في الشغل.. كل دا بسيط بس متفضليش كدا متعلقه ولا طىايقه تبصي في وشي وانا موافق ..
والدهب والمهر وحاجتك كلها والمؤخر هديهولك تعويضا عن الي حصل .. انا فكرت ان الموضوع يومين ويعدي لكن معرفش انك رافضاني كليا بالطريقه دي ومش عارف رضيتي ليه تتجوزيني .. فضلت ساكته متكلمتش .. قالي مترديش دلوقتي خدي وقتك والاكل هيوصل كمان شويه انا حاسبت عليه .. خدي الاكل وكلي ولو احتجتي اي حاجه الفيزا على الطرابيزه فيها فلوس اشتري الي انت عايزاه وانا هنزل دلوقتي شويه برا .. انا مكنتش مصدقه الي بسمعه .. عنيه وطريقه كلامه وحركات ايده .. مش عارفه حبيته ولا ايه وازاي راجل يقول على نفسه كدا ……. # يتبع
الجزء الثاني من هنـــاااااااااااااااا
