الجزء الاول اختي كانت كل يوم تتأخر ساعه كامله، بعد معاد الدرس بتاعها، وكانت ترجع البيت وظاهر عليها، علامات تعب غريبه اوي، ووجهها كان لونه اصفر بطريقه مريبه جدا، ولما اسئلها عن سبب التأخير ده ايه ترد عليا وتقول (كنت في مشوار انا وصحبتي ساره)..
وفعلا في يوم دخلت اختي زي العاده، وانا سئلها عن سبب تأخرها ده، وجاوبتني نفس الاجابه المعتاده، واللي هي (كنت في مشوار مع صحبتي ساره) وبعدها دخلت اوضتها، وهنا انا قررت المره دي، اتصل على صحبتها واسئلها، مع اني واثق في اختي اوي، بس هيئتها اللي كل يوم كانت بتزيد، تعب وشحوب غريب خوفني اوي عليها..
فتصلت على صحبتها ساره، وسئلها بطريقه غير مباشره عن مشوارها هي واختي، وهنا جاوبتني صحبتها اجابه اللي صدمتني بجد لما قالت (مشوار ايه يااحمد انا كنت تعبانه اوي النهاردا ومخرجتش مش البيت اصلا)..
قالت كده وقفلت معايا، وانا الشيطان ركب دماغي وقتها وميه سيناريوا ظهر قدامي، ومحستش بنفسي غير، وانا بجري على اوضه اختي، وانا في كامل غضبي، ونزلت فيها ض/رب بدون رحمه، وانا بسئلها تاني عن المكان اللي بتروح له، وهي كانت تحت ايدي بتصرخ، وبرضو بتقول نفس الاجابه فسبتها بعد ماتعبت من ض/ربها، وحبــ,ستها في اوضتها لانها كذبت عليا، وكمان مش عاوزه تقولي الحقيقه…
